Për pranimin e studentëve në konvikte dhe ushqim në mensën e studentëve për vitin Akademik 2025/2026.
Aplikimi bëhët përmes sistemit ONLINE. Linku për aplikim është: https://app.qendrastudenteve.com/ . Poashtu linkun e gjeni edhe në faqen zyrtare të Qendrës së studentëve në facebook.
Studentët e rregullt të UP, kanë mundësi të aplikojnë veçmas për të fituar të drejten për t’u ushqyer në mensën e studentëve.
Kriteret për të aplikuar janë të njëjta sikurse për aplikim për konvikt.
Për konviktet dhe mensën e QS-së kanë të drejtë aplikimi të gjithë studentët e rregullt në studime themelore, vendbanimi i të cilëve është 25 km e më larg nga Prishtina.
Kriteret për pranim dhe pikët e mundshme:
1. Studentët nga Fakulteti i Mjekësisë, Fakulteti Teknik dhe Fakulteti i Shkencave Matematike-Natyrore me notë mesatare 9.00 dhe me largësi 25 km e më shumë nga Prishtina, pranohen në konvikte pavarësisht totalit të pikëve që fitojnë.
2. Studentët nga fakultetet e tjera me notë mesatare 9.5 dhe me largësi 25 km e më shumë nga Prishtina pranohen në konvikte pavarësisht numrit të pikëve të fituara.
3. Studentët për notë mesatare fitojnë (varësisht nga nota mesatare)…..….5 – 15 pikë
- Largësia e vendbanimit nga Komuna e Prishtinës – pikët …….…………1 – 10 pikë
- Studentët jashtë territorit të Republikës për largësi marrin….………….15 pikë
Studentët me status të vaçantë për pikë shtesë sipas kategorive:
1. Student (fëmijë) i dëshmorit ———————————–10 pikë
2. Student (fëmijë) i prindit invalid të luftës ———————-5 pikë
3. Student, prindi i të cilit është veteran i luftës ——————3 pikë
4. Student i prindit martir nga lufta ——————————-4 pikë
5. Student me aftësi të kufizuara ———————————-6 pikë
6. Student i të burgosurit, politik ———————————-4 pikë
7. Student me asistencë sociale ————————————4 pikë
8. Dy e më shumë studentë nga një familje aplikant në QS——-3 pikë
Të gjithë studentët e këtyre kategorive të cilët përfitojnë pikë shtesë duhet që përmes sistemit ONLINE të ngarkojnë dokumentacionin e kërkuar (çertifikatën) nga Ministrit përkatëse.
Tri kategorit në vazhdim në pamundësi të dokumentit të kërkuar më lartë çertifikatën ose vërtetimin nga:
• Shoqata e të Burgosurve Politik, zyra qëndrore Prishtinë
• Shoqata e personave me Aftësi të Kufizuara – Hendikos, zyra qëndrore Prishtinë.
• Shoqata e familjeve të dëshmorëve – Selia qendrore në Prishtinë.
Studenti i prindit martir nga lufta, vendimi i MPMS dhe çertifikata e bashkësisë familjare.
• Studentët prindërit e të cilëve janë veteran e të cilët marrin pagë nga Buxheti i Republikës së Kosovës e ngarkojnë çertifikaten e prindërve të lëshuar nga Qeveria e Republikes së Kosoves, ndërsa studentët prindërit e të cilëve nuk marrin pagë nga Buxheti i Republikes së Kosoves nuk kanë nevojë t’a bëjnë ngarkimin e çertifikates së prindit veteran, sepse pikët ju llogariten nga vet sistemi nga të dhënat e MPMS.
Sqarim: Njoftojmë studentët se pikët e fituara nga nota mesatare, nga largësia, student i prindit invalid të luftës, studentëve me asistencë sociale pikët i llogarit vet sistemit online. Andaj nuk është e nevojshme që këto dokumente të ngarkohen gjatë aplikimit.
• Te kategoria dy e më shumë studentë nga një familje, aplikuesi për vendosje në QS me rastin e aplikimit studenti i dytë apo i tretë nga e njejta familje, duhet të shkruaj nr. e letërnjoftimit të aplikantit të parë në opsionin e hapur për këtë kategori.
• Për studentët nga radhët e komuniteteve jo shumic vlen lista nga sistemi i UP-së.
• Konkursi mbetet i hapur deri me datën 20.09.2025 ora 16:00 nga dita e shpalljes.
Studentët që kanë thyer Rregulloret në fuqi në Qendrën e Studentëve nuk do të pranohen në konvikte.
• Në konvikte do të pranohen studentët me numrin më të madh të pikëve të fituara.
Publikimi i rezultateve bëhet me datë 26.09.2025 në tabelat e konvikteve dhe faqet zyrtare të QSP.
• Afati për ushtrimin e ankesave ONLINE është 29 – 30.09. 2025.
• Publikimi i rezultateve të ankesave bëhet me datën 03.10.2025.
