Pas takimit koordinues të mbajtur me përfaqësues nga Rektorati i Universitetit të Prishtinës, Parlamenti Studentor, organizatat studentore dhe Qendra e Studentëve, njoftohen të gjithë studentët e Universitetit të Prishtinës se:
Afati për aplikim në konvikte dhe mensë për vitin akademik 2025/2026 është shtyrë deri më datë 22 shtator 2025, ora 24:00.
Ky vendim është marrë për të mundësuar që edhe studentët e pranuar në afatin e dytë të regjistrimit në Universitetin e Prishtinës të kryejnë procedurat përkatëse në Administratën Qendrore të UP-së dhe të aplikojnë për shërbimet e konviktit dhe mensës.
Gjithashtu, studentët do të kenë mundësi të kryejnë procedurat e regjistrimit në sistemin SEMS edhe gjatë fundjavës (të shtunën dhe të dielën).
