Drejtori i Përgjithshëm i Qendrës së Studentëve në Prishtinë me disa përfaqësues të tjerë të saj, kanë vizituar dje Rezidencën Studentore Universitare në Tiranë.
Ku nga afër u njohën me punën dhe veprimtarinë që zhvillohen në Qytetin Studenti në Tiranë.
Drejtori i Qendrës së Studentëve Fatmir Sfishta dhe përfaqësuesit e tjerë të Qendrës u takuan me drejtoreshën e Rezidencës Studentore Universitare, Anila Shehu, dhe zyrtarët tjerë, ata u zotuan se do t’i shkëmbejnë përvojat e tyre në mes vete në dobi të studentëve.
Gjithashtu u organizua edhe një takim me studentët banues dhe përfaqësuesve të Qendrës së Studentëve në Prishtinë, ku ata shfaqen interesimin e tyre për kushtet dhe jetën që zhvillohet në qytetin e studentëve në Prishtinë.
Drejtori i Përgjithshëm i Qendrës së Studentëve, Fatmir Sfishta, i bëri ftesë drejtoreshës Shehu, që të bëjë një vizitë në Qendrën e Studentëve në Prishtinë, në mënyrë që edhe më shumë të forcohen bashkëpunimet në mes këtyre dy institucioneve.
